RUS
Smart News басылымының хабарлауынша, өмірлік қиын жағдайға тап болған адамдарды қайта әлеуметтендіруге арналған үш қабатты орталықта жеделсаты, жуынатын бөлме, демалыс бөлмелері мен асхана бар. Бұл туралы AtyrauPress ақпарат агенттігі жазды.
Жаңа үшқабатты ғимарат 7 орынға шақталған. Оның бірінші қабатында үйсіз-күйсіз жүргендер уақытша қонуға келетін жатын орын орналасқан. Қазір бұл мекемеге түнгі уақытта жатын орын іздеп келетіндер қатары 14-ке дейін артып отыр. Олардың төртеуінің жұмысы бар. Ал екінші қабатта баспанасыз көшеде қалғандар тұрып жатыр. Күн суытқалы бері ондағылардың қатары артыпты. Ал үшінші қабатта әкімшілік қызметкерлері жұмыс істейді.
- Орталықта белгілі бір тұрғылықты жері жоқ, бас бостандығынан айыру орындарынан босатылған және пробация қызметінде есепте тұрған адамдар тұрады. Олардың арасында 43 жыл қызмет еткен ер адам бар. Тұрғындардың бірі - қоғам белсендісі. Олар үшін күніне үш рет тамақтану қарастырылған. Төсек тартып жатқан мүгедектерге жаялықтар беріледі. Біздің барлық қонақтарымызға психологиялық көмек көрсетіледі, - деді орталық директоры Мереке Жаңбырбаев.
Қонақтарға ыңғайлы болу үшін жаңа ғимаратта жеделсаты қарастырылған. Әр бөлмеде кереуеттер мен киім ілетін шкаф бар. Жалпы демалыс бөлмесінде теледидар орнатылған. Жаңа нысан хостел (жатақхана) іспетті.
Орталық басшысының айтуы бойынша, панасыз қалған бір адамға мемлекеттен жылына 265 мың 824 теңге бөлінеді. Оның ішіне тамағы, сонда тұруы, гигиеналық құралдары мен басқа да қажеттіліктері кіреді.