RUS
20 желтоқсан күні сағат 13:00 шамасында Түркістан облысы Төлеби ауданы аумағындағы Алматы – Ташкент – Термез автожолының 719-шақырымында жол-көлік оқиғасы болды.
Анықталғандай, Шымкент қаласынан Сарығаш ауданына шыққан Toyota Camry автокөлігі өзімен бір бағытта келе жатқан Mersedes-Sprinter жолаушылар көлігімен соқтығысқан. Жол апаты салдарынан микроавтобустың 70 жастағы жолаушысы оқиға орнында алған жарақаттарынан қайтыс болды.
Одан бөлек екі жүргізуші мен жолаушылар көлігінің 4 жолаушысы түрлі дене жарақаттарымен ауруханаға жатқызылған. Оқиға орнына жедел тергеу тобы, Төлеби аудандық ПБ мен аудандық прокуратура басшылығы шықты.
"Болған оқиғаның толық мән-жайы анықталып жатыр. Бұл факт ҚР ҚК-нің 345-бабының 3-бөлігі бойынша тіркелді. Қазіргі уақытта сотқа дейінгі тергеп-тексеру амалдары жүргізілуде және тиісті сараптамалар тағайындалды", - делінген хабарламада.
Сараптама нәтижесі бойынша нақты процестік шешім қабылданатын болады.
Ақпарат көзі Polisia.kz сайтында: https://polisia.kz/turkistan-oblysynda-zhol-apatynan-bir-zholaushy-koz-zhumdy/