RUS
Smart News басылымының хабарлауынша, жақында белгілі әнші Өмірқұл Айниязовтың жары күні кеше үшінші рет сәбилі болды. Қуанышты жаңалықты ұзақ уақыт құпияда ұстаған ерлі-зайыпты күзде көпшілік алдында баланың жынысын анықтап, дүркіретіп гендер пати жасаған.
Бір ұл, бір қыз тәрбиелеп отырған әнші 1 қаңтар күні тағы ұлды болып, есімін Айсұлтан қойған еді.
Әнші ешкімге көрсетпеген отбасылық суретті жариялап, оқырмандарымен қалжыңдасты:
«Бұл енді қалжың сурет. Негізі келінмен жарысып туған енеге қалай қарайсыздар? Фотоға ат қояйық» - деп жазды әнші.
Әнші Өмірқұл Айниязовтың бұл қалжың суретін көпшілік жылы қабылдады. Олар мұндай жаста балалы болудың еш әбестігі жоғын айтты.
«Алла берсе, ала беру керек ағасы», «Кім қандай жаста болса да, Алланың жіберген бақыты, ұрпағымызды өсіріп, қызықтайтын денсаулық, өмір берсін», «Онда тұрған не бар Құдай осы жасқа келгенде берді. 20 жылдық арманы ғой. Несі бар осы адамдардың?!», «Келін жайлы болса, ененің аяғы ауыр болады» деп жазды әншінің оқырмандары.