RUS
Smart News басылымының хабарлауынша, Йемендік хуситтер Аден шығанағындағы американдық Chem Ranger кемесіне зымыран шабуылын жасады. Бұл туралы «Ансар Алла» бүлікшіл қозғалысының әскери өкілі Яхья Сария мәлімдеді.
«Йемен әскери-теңіз күштері американдық Chem Ranger кемесіне Аден шығанағында бірнеше кемеге қарсы зымырандар шабуыл жасаған операция жасады», — деді Сария Хуситтерге тиесілі Al Masirah телеарнасының эфирінде.
Қозғалыс өкілі хуситтер кемеге тікелей соққы бергенін айтады. Ол сондай-ақ шабуыл АҚШ пен Ұлыбританияның Йемен аумағындағы «Ансар Алла» нысандарына соққыларына жауап ретінде жасалғанын атап өтті.
АҚШ Йемендік Хуситтердің Аден шығанағындағы американдық Chem Ranger кемесіне зымыран соққанын растады. Бұл туралы бейсенбіде АҚШ Қарулы Күштерінің Орталық қолбасшылығы хабарлады.
«18 қаңтарда хуситтер Chem Ranger кемесінде екі кемеге қарсы баллистикалық зымыранды ұшырды», — делінген АҚШ Қарулы Күштерінің Орталық қолбасшылығы (CENTCOM) X әлеуметтік желісіндегі (бұрынғы Twitter) парақшасында.
Әзірге зардап шеккендер туралы ақпарат жоқ.
Еске сала кетсек, АҚШ пен Ұлыбритания Йеменге шабуыл жасаған еді. Сана қаласының бірнеше ауданы мен Ходейда провинциясында қуатты жарылыстар болған. АҚШ президенті Джо Байден журналистерге берген сұхбатында хуситтерді «террористік ұйым» деп атап, Қызыл теңізге шабуылды тоқтатпаса, Пентагон да қарап қалмайтынын хабарлаған болатын. Өз кезегінде хуситтер де палестиналықтарды қолдау мақсатында әрекет етіп жатқанын және АҚШ пен Ұлыбританияның соққысына міндетті түрде жауап беретінін мәлімдеді.