RUS
Smart News басылымының хабарлауынша, Алматы қалалық полиция Департаменті, 16 қаңтарда әлеуметтік желілерде жүргізілген мониторинг барысында «Hongqi» маркалы көлігінің жүргізушісінің Жол қозғалысы ережелерін бұзу деректерін анықтаған.
«Құқық бұзушыға қауіпсіздік белдіктерін пайдалану және көлік құралын міндетті сақтандыру шартынсыз жүргізу ережелерін сақтамағаны үшін әкімшілік хаттамалар толтырылды. Сонымен қатар, жүргізушімен алдағы уақытта ЖҚЕ бұзбау жөнінде құқықтық түсіндірме әңгіме жүргізілді», - делінген департамент хабарламасында.
Мұндай хабарды көрген желі қолданушылары рөлдегі адамның актриса Құралай Анарбековаға қатты ұқсайтынын байқаған. Бұған актриса былай деп жауап қайтарды:
«Бұл оқиғаның болғаны рас. Түсірілімге бола рөлге 15 секунд отырдым. Видеоны әлеуметтік желіге салған мен емес едім, қазір бұл видео жоғалып кетті. Мен көлік жүргізбеймін, жүргізушім бар. Рөлге отырғаннан кейін, қауіпсіздік белдігін тағуды ұмытып кетіппін. Айыппұлды төледім.
Көліктің иесі – өзім. Бірақ оны сирек жүргіземін. Бұл оқиға менің командама сабақ болды. Мен заңды бұзбаймын. Біздің органдардың қалай жұмыс істейтінін көріп, риза болдым. Енді қайталамаймын. Бағдаршамға бағынып, белдікті тағып, жол ережесін сақтап жүріңіздер», – деді Құралай Анарбекова.