RUS
"3 ұлы бар, екі ұлы ерекше бала. Жолдасы өмірден өткен анамызға сыйға тартылатын баспана. Бағасын беретін өздеріңіз, жақсымызды асырып жаманымызды жасырып көріңіздер", - деп жазды блогер.
Бұл - халықтың қолдауымен алынған 93-баспана екен.
"Қу басым не көрмей келе жатыр. Зиянсыз өтірікті жұбату етіп тағы жыламсырап шықтым. Бұл өмірде мұрагерім, ізбасарым деп Алладан ұл сұраймыз. Ерекше бір ұлды қолына көтерген, екінші ерекше баланы қолынан жетектеген қайсар ананың белі қиындыққа қайыспа, майыспа. Шыдауға тиіссің, себебі балалардың әкесі о дүниелік болған, бұл балалар сізден басқа ешкімге керек емес. Алла сүйген құлына сынақты береді шыда,шыда дегеннен басқасына жол жоқ, амал да жоқ. Айдың он бес күні қараңғы болса, он бес күні жарық", - дейді блогер.
Осыған дейін Ырысбала көпбалалы отбасыларға көлік бергенін айтқан едік.