RUS
Оқыс оқиға өткен жылдың қараша айында болды. Ауыр техниканың астында қалған әйелдің сол аяғы мен қолының сүйектері сынып, іш құрылысының біраз бөлігі жаншылып қалған. Науқас бірден жансақтау бөліміне жатқызылды. Содан бүгінгі күнге дейін дәрігерлер алты рет ота жасады. Нәтижесінде ем қабылдаушының аяқ қолы қимылға келіп, жағдайы жақсарған. Қазір пациенттің өзі Т.Орынбаев атындағы гипербариялық оксегинация орталығында ем қабылдап жатыр. Мұнда да екі ай ішінде науқасқа үш рет тері алмастыру оперциясы жасалды.
«Бір аяғының терісі мүлдем жоқ болды. Сондықтан бір отамен бітпейтін еді. Науқастың оң аяғы мен балтырынан, тізеден төмен және иық аумағынан тері алып, аяғына тіктік» - деді, Т. Орынбаев атындағы гипербариялық оксигенация орталығының бөлімше меңгерушісі Мұхит Досыбаев.
Қазір күрделі оталардан шыққан азаматшаға дәрігерлер оңалту емін жүргізуде. Денсаулық жағдайы қалыпқа келіп жатқан пациентті медицина мамандары алдағы апта үйіне шығармақ.