«Бір қызымнан айырылдым»: Индира Расылхан алғаш рет егіз қыздары туралы айтты

SMARTNEWS басылымының хабарлауынша, әнші Индира Расылхан балалары туралы сыр шертті.

Оның айтуынша, әнші бір қызынан айырылып қалған.

«Алланың сынағына шүкірлік айтып, бір қызымды жоғалтқаннан кейінгі Алланың берген сыйы ғой екі қыз», - деді ол.

Әнші балалары туралы ашық әңгімеледі.

«Көп нәрсе айтқым-ақ келіп тұр. Екеуі жайлы айтайыншы. Мені танығанымен де, менің бала-шағамды танымайсыздар ғой. Жақынырақ таныстыра кетейін.

Бірінші туылған Айдина. 
Айдина жайлы:
Айдон дейміз бәріміз. Мінезі ашық жарқын, (экстраверт) ақкөңіл, қолындағысын аямай бере салады. Ақша жаратқанды жақсы көреді. Көп қыдырғанды ұнатпайды. Өзінен ештеңе аямайды

Дарина жайлы:
Үйде бәріміз Дадош дейміз. Бәрімізді бір шыбықпен айдайды. Тіпті мен қорқамын.
Өте ақылды. Артық сөз жоқ, сабырлы. Көп нәрсені ойланады. Жаңа ортаға барса, бірден араласып кетуі қиын (интраверт). Ақша үнемдегіш. Бірақ қыдырғанды жақсы көреді.

Қос қарлығашым! Қос қанатым! Қос шынарым! Қос қолқанатым!», - деп жазды әнші.