RUS
SMARTNEWS басылымының хабарлауынша, Астанада әйел адам жүріп бара жатқан автобустан түсіп қалған.
Автобуста орнатылған бақылау камералары түсірген бейнежазба желіде қызу талқыланып жатыр. Жұрт жолаушылар мен қоғамдық көлік жүргізушісінің немқұрайлы реакциясына таң қалды.
Кадрларда адамдар көп жүретін автобус аялдамадан адамдар алғанын, кейін жүріп кеткенін байқауға болады. Автобус жүріп бара жатып есіктер күтпеген жерден ашылып кеткен. Есік алдында тұрған әйел адам тұтқаны ұстағанмен, бірақ ешкім жәрдемдеспегендіктен асфальтқа құлап түскен. Артынша оның жанында тұрған жолаушылар есіктерді күштеп қолмен жауып, автобус жөніне жүре берген.
Автобустан құлап түскен әйелдің жағдайы не болғаны әлі белгісіз. Астананың көлік кешенін басқару жөніндегі оператор болып табылатын Сity Transport System компаниясында бұл оқиғаға әлі түсініктеме берген жоқ.
Ал желі қолданушылары оқиғаны жан-жақты талдап, саралады.
"Нағыз деградация. Әйелдің құлап бара жатқанын көре тұра, жанындағы бір де бір еркек ұстап қалмаған. Оның үстіне адам азайды деп қуанғандай, есікті жауып алып жатыр. Жүргізушіге тоқта деп айқайласа болар еді ғой. Еркек емес ездер!" деп жазды қолданушылардың бірі.