Шымкентте қала әкімінің бұрынғы орынбасарына қатысты сот отырысы басталды

06.03.2024, 09:37
573
Шымкентте қала әкімінің бұрынғы орынбасарына қатысты сот отырысы басталды бейнежазбадан

Шымкентте қала әкімінің бұрынғы орынбасарына қатысты сот отырысы басталды.

Бұл туралы smartnews.kz сайты хабарлап отыр.

24KZ арнасының мәліметінше, Мақсұт Исаховқа Ұлттық қауіпсіздік комитетінің жоғары лауазымды қызметкеріне 200 мың доллар пара берді деп айып тағылып отыр. Бұған күдіктіні қорғаушы тараптың айтар уәжі бар.

Шымкент әкімінің экс-орынбасарына қатысты дерек қылмыстық істер жөніндегі мамандандырылған ауданаралық сотта қаралып жатыр. Тергеу материалдары 21 томға жинақталды.

Мақсұт Исахов мемлекеттік қызметте жүрген кезде дене шынықтыру және спорт саласынан бастап, жер пайдалану мен қорғауға мемлекеттік бақылауға да жетекшілік етті. 2020 жылы әкімдік магистральдық жылу желілерін жаңғырту бойынша мемлекеттік сатып алу конкурсын өткізген. Ұтқан мердігер бастапқы жарнасын алып, жұмысын бастайды. Алайда тендерге қатысқан екінші мердігер мұнымен келіспей, сотқа арызданады. Көп ұзамай әлгі мекеме жұмысшылары жылу құбырларын жаңартуды жалғастырған.

 «Шымкент қалалық энергетика және коммуналдық шаруашылық басқармасына «Старт-Строй» компаниясымен келісімшарт жасаудың сәті түспеген. Себебі бастапқыда мемлекеттік тапсырысқа есептелген қаржы толық көлемде болмай шыққан. Яғни, тендерді бірінші ұтқан «Корпорация Сити-Строй» серіктестігі ол ақшаны кері қайтармаған. Сол себепті айыптаушы тарап бас прокуратураға арызданды», - деді қалалық прокуратураның аға прокуроры Мұхтар Арыстанов.

 Тергеу мәліметінше, Исахов қаланың жылу желілерін жаңғыртуға қатысты істі жабық күйде қалдыру үшін Ұлттық қауіпсіздік комитетінің лауазымды қызметкеріне пара ұсынбақ болған.

 «Департамент бастығының бірінші орынбасары: «Сізді қамауға жоғарыдан бұйрық келді», – деді. Егер де қызмет орным қажет болса, мен кетемін десем, «бұл әрекетіңіз бәрібір құтқармайды», – дегенді алға тартты. Мені қорқытып, пара беруімді сұрады», - деді қала әкімінің бұрынғы орынбасары Мақсұт Исахов.

Осылайша, күдікті өзіне тағылған кінәні мойындаудан бас тартты. Айтуынша, ол ешкімге пара бермеген. Бұл істің ақ-қарасын енді сот шешеді. Қылмысқа қатысы бары дәлелденсе, 10 жылдан 15 жылға дейін сотталуы мүмкін. Сондай-ақ Ұлттық қауіпсіздік комитетінің жоғары шенді қызметкері де жауапкершіліктен жалтара алмады. Қазір ол қамауда отыр.

Үкімет зейнеткерлердің несиесі кешірілсін деген талапқа жауап қайтарды Ақтөбеде ер адам трансформаторлар ұрлаған «4 машина, 4 пәтер, ғимарат»: Перизат Қайрат миллиардты қайда жұмсағаны туралы тізім жасалды «Анасы адвокат болғасын қорықтым»: танымал әнші Say Mo бұрынғы актер күйеуінен зорлық көргенін жайып салды «Құдайдан қыз болып оянуымды тіледім»: Атышулы Амилай балалық шағынан сыр шертті Журналист Сәуле Әбілдаханқызының қандастар «елді сатып кетеді» деген жазбасын полиция тексеріп жатыр «Екі жыл бұрын ажырасып кетті»: Динара Сәтжан жолдасымен некесін қиды Ақтөбеде марқұмның туыстары ағасын рұқсатсыз жерлеген екі ведомстводан өтемақы талап етті Әйелін бірнеше жыл сабаған дипломат Сәкен Мамаш Астанада тұтқындалды «Мектепте «мини юбка» киген қыздар жүкті болып жатыр»: Атышулы блогер мектепте орамалды рұқсат етпейтін заңға ренжіді Танымал актер әйеліне лифтіде шабуыл жасағаны үшін түсірілім алаңынан қуылды (ВИДЕО) Спортшы Сұлтан Заурбекке Шымкент қаласының әкімі демеушілік жасай ма? Қуандық Бишімбаевтың әкесі Таразда Bishimbayev University оқу орнын ашпақ Ақтауда өтіп бара жатқандар қызды зорламақ болған ер адамды тұрғындар ұстап алды Қазақ тілін дамыту үшін «Қазақ тілі» қоғамына 200 млн теңге бөлінді «Анасының көзінше басып өтті»: 7 жасар қызды басып өлтірген жүк көлігіне қатысты істің мән-жайы анықталды Баходир Жалолов: «Ақшасын берсе, барлығымен күресемін» Оралда терминалдан 680 мың теңге алып кеткен ұрылар ұсталды Астанадағы үлкен жекпе-жек: Жәнібек пен Нгамисинге баспасөз жиынында Бишімбаевтың отбасы балаларға алимент төлеуден бас тартты