RUS
Қолайсыз ауа райы салдарынан бүкіл қала шалшық суға толып, қалалық әкімдіктің ғимаратын су басқан. Бұл туралы «Мой город» хабарлады.
Синоптиктердің болжамынша, жауын-шашын тағы 2 күнге созылуы мүмкін.
Коммуналдық қызметтер күшейтілген режимде жұмыс істей бастағанмен, бәріне бірдей үлгермей жатыр.
Табиға апаттан қалалық әкімдіктің ең төменгі қабаты – жертөледе орналасқан жер қатынастары бөлімі зардап шеккен. Қазір мұндағы су сорылып жатыр, - делінген хабарламада.
Сонымен қатар, қала тұрғындары да көмекке жүгініп жатыр. Бірнеше күн ішінде 249 мекенжайдан 600-ге жуық шақырту түскен. Олар ауласына жеткен қызыл судың үйге кіріп кетуінен қорқады.