RUS
Stan.kz ақпарат агенттігінің жазуынша, Олжас Құдайбергеновтың әйелі Мөлдір Қабылова президент Қасым-Жомарт Тоқаевқа шағымданып, видеоүндеу жолдады. Әйелдің айтуынша, ол 2022 жылдың қаңтарында ажырасуға шешім қабылдаған. Ал 2022 жылдың наурызында Олжас Құдайбергенов кәмелетке толмаған балаларын анасынан айырып, Ұлыбританиядан алып кетпек болған. Британ полициясы оны әуежайда ұстап, балаларды анасына қайтарған. Ұлыбританияның әлеуметтік қызметтері әйелді балаларымен бірге баспанасыздарға арналған үйге орналастырған.
Мөлдір ұзақ уақыт бойынша ешқайда шағымданбаған. Бірақ 2022 жылдың наурызынан бастап бүгінгі күнге дейін күйеуінен қысым көріп келеді екен.
“Олжас жалға алынған үйдің ақшасын төлеуден бас тартты. Төрт баламмен далада қалдым. Әкем оның әрекетіне ашуланып, одан әкелік міндеттерін орындауды, оқу жылына дейін жалға алынған пәтердің ақысын төлеп беруді талап етті. Бірақ ол әкемнің үстінен “бопсалады” деген айыппен арыз жазған”, – дейді Мөлдір Қабылова.
Әйелдің айтуынша, әкесі бірден қамауға алынған. Полиция бөлімінде есінен танып құлап, бас сүйегін, жамбас сүйегін және аяқтарының сүйектерін сындырып алған, содан кейін 4 ай бойы төсектен тұра алмаған.
Сонымен қатар, халықаралық бағдарламалар орталығы арқылы 2023 жылдың ақпан айынан бастап әйеліне "Болашақ" стипендиясын төлеуді тоқтатып, әйелінің "Болашақ" бағдарламасына кепілге қойған пәтерін тартып алып, сатып жіберген.
2023 жылдың қазан айында Құдайбергеновтың арызы бойынша полиция бопсалады деген айыппен әйелдің әкесін тағы екі айға қамауға алыныпты.
Сондай-ақ, “НеМолчиKZ” қорының жазбасында Құдайбергеновтың әйеліне қойған талабы жарияланды.
"Оның талабы: енді біреуді үйге шақырарда немесе біреуге қонаққа барада тек менің рұқсатыммен барасың, "өмір бойы араласу тыйым салынған" адамдардың тізімі болады. Әкең маған айтқан әрбір сөзі мен әрекеті үшін кешірім сұрауы керек”, – делінген қордың жазбасында.
Қор осы мәселені шешу үшін президентке шағымданған.
Еске салайық, Олжас Құдайбергенов – ұлттық экономика министрлігі жанындағы басқарушы кеңестің төрағасы қызметін атқарады.