RUS
ReVita – органдарды трансплантациялаудан кейін пациенттердің сауығуына көмектесетін қосымшаны жасап шығарған студенттерден тұратын команда. Олар Орталық Азия, Таяу Шығыс және Солтүстік Африка аймағының алғашқы ондыққа кірген жалғыз өкілдер. Команда құрамы Назарбаев университеті мен ҚБТУ оқу орындарының білім алушыларынан құралған.
Жыл сайын ұйымдастырылатын хакатонның басты мақсаты – қатысушылар ұсынған жоба БҰҰ-ның 17 Тұрақты даму мақсатымен анықталған мәселелерді шешуге қандай да бір түрде көмектесуі керек.
«Көптеген науқастар операцияның физикалық аспектілері мен емделу туралы көбірек ойлайды, эмоционалдық күй туралы азырақ ойлайды. Операциядан кейін біреу өз жағдайы туралы алаңдай бастайды, біреу органның қабылданбауына тап болады. Адамның өзін тапқан күйі өзі үшін де, айналасындағы адамдар үшін де өте маңызды болуы мүмкін», - дейді жобаны жасаушылар.
Биыл жарысқа қатысуға 5000-нан астам өтініш кеп түскен. Үздік жүздікке Жапония, Үндістан, Қытай өкілдері, сондай-ақ Солтүстік Америка мен Ұлыбританияның қатысушылары жолдама алған болатын. Оның ішінде топ-10 қазақстандық команда өтіп отыр.
Сондай-ақ студенттеріміз жобаны жеңген жағдайда $1,000-нан $4,000-ға дейін ақшалай сыйлық алады. Одан бөлек жобаны ауқымды өнім сатысына дейін жетілдіруге көмектесетін технологиялар мен Google тәлімгерлеріне қол жеткізеді.