«Ойдан шығарғанын мойындады»: Асхат Садырбай экс-әйеліне қарсы сотта жеңіске жетті

SMARTNEWS.KZ басылымының хабарлауынша, танымал журналист Асхат Садырбай бұрынғы әйелі Айғаным Қорабаеваға қатысты сот процестері аяқталғанын хабарлады. Журналист сотта өзінің кінәсіздігін дәлелдеп, оған қарсы тараптың ешбір айыбын растай алмағанын айтты.

Асхат Садырбай әлеуметтік желідегі парақшасында:
«Жалған ақпаратты таратып, мені және отбасымды қаралауға тырысқандар ұятқа қалды. Қорабаева айтқан айыптаулардың ешбірін сот растай алмады. Тіпті кейбір сұрақтарға ол «өзім ойдан шығардым» деп жауап берді», — деп жазды.

Журналистің сөзінше, ол бұдан бұрын да медиация арқылы мәселені шешуді ұсынған, алайда жауапкер тарап келісімге келмеген. Сонымен қатар, сот процесі барысында қарсы тарап шоу жасауға тырысқан.

Асхат Садырбай алдағы уақытта соттың ресми шешімін жариялайтынын және қолдау көрсеткендерге алғысын білдірді.