RUS
SMARTNEWS.KZ басылымының хабарлауынша, кәсіпкер Тұрсен Алагөзовтің бұрынғы жұбайы Ляйсира Марат оның «100 пәтер» тарату акциясына қатысты ашық пікір білдірді.
Ол бұл әрекетті шынайы қайырымдылық емес, маркетингтік айла деп атады.
«Нағыз қайырымдылық – еш пайда көздемей, атауын жасырып жасалады. Ал бұл жолғы 2 миллиард теңге – науқан алдындағы өнімнің танымалдылығын арттыру үшін бөлінген маркетинг бюджетінің жартысы. Шай сатылуы тиіс, қоймада қалып қоймауы керек. Сонымен бірге бұл – адамның имиджін көтерудің тәсілі», – деді Ляйсира Марат.
Сонымен қатар, экс-жұбайы компаниядан шеттетуді сұрап, Сатыбалды әулетіне жүгінгенін айтты. Сол кезден бастап компанияға қысым күшейіп, қылмыстық істер ашылған.
«2021 жылдың ортасына қарай сату көлемі 35 миллиард теңгеден асты. Компания міндеттемелерден құтылды, ал өнім нарықта танымал брендке айналды. Бірақ сол жазда мені компаниядан шығарып жіберді. Егер қарсылық білдірсем, бәлкім, қазір тірі де болмас па едім», – деп бөлісті ол.