RUS
Smart News басылымының хабарлауынша, Қызылордадағы аяқ киімге акция кезінде тәртіпсіздіктер болған. Бұл ақпаратты аяқ киім дүкені желіде таратты.
Қызылордада «Қорқыт» сауда үйіндегі аяқ киім дүкенінің иесі кез келген кроссовканы мың теңгеге сатып алуға болатын жеңілдік жариялаған. Нәтижесінде сауда орнына жиналған халық терезелерді сындырып, аяқ киімге таласып, соңы үлкен мәселеге айналған.
«Барлықтарыңызға рахмет! Жеңілдік тоқтады. Себебі көптеген адам итеріп кіруінің кесірінен есік сынып, адамдардың жүрегі қысылды. Адамдар саны күрт көбейіп кетті.
Қарғап, жамандағандарды да көрдік. Сонда да рахмет. Біздің мақсат - сіздерге қолжетімді бағада жақсы, сапалы аяқ киімдерді беруге тырыстық» - деп жазды дүкен иелері.
Аталған жағдайдан соң дүкен иесі акцияны жедел тоқтатқан. Сауда орталығындағы халықтың әрекетіне желі қолданушылары түрлі пікірін қалдырды.
«Адамдар қызық қой. Сонша дым көрмеген, жабайыланып. Сөз жоқ айтатын», «Дүкен иесіне халық енді жақсы қарайды деп ойламаймын», «Қазақ кез келген жерде қазақтығын көрсетеді», - деді олар.