Батыс Қазақстан облысындағы су тасқынынан 3 мың бала құтқарылған

SMARTNEWS.KZ басылымының хабарлауынша, 6 мыңнан астам адам эвакуацияланды, оның ішінде 3 мың бала. Эвакуациялық пункттерде 1 мыңнан аса адам орналасса, қалған 3853 адам туыстарында қалған.

Қазіргі уақытта 23 су құю учаскесі және 48 су шайып кету учаскесі бақылауда.

Көлік қатынасы жоқ 10 елдімекен бар. Аталған елдімекендердің азық-түлік дүкендерінде азық-түлік қоры алдын ала ұйымдастырылған.

Қауіпсіз жерлерге 3 мыңнан астам үй жануарлары айдалды.

Облыс бойынша барлығы 804 773 м3 еріген қар суы сорылды, 170 749 дана қапшық төселді, қазіргі уақытта 1979 адам, 365 бірлік техника, 76 бірлік мотопомпа жұмылдырылды.

Түнде Орал қаласында еріген қар суын сору және қап салу жұмыстары жүргізілді.

Өткен тәулік ішінде барлығы 1443-тей адам эвакуацияланды, оның ішінде 1043 бала. Сондай-ақ, Ұзынкөл, Барбастау, Шаған, Кемер және Юбилейное ауылдарының тұрғындары аулаларын аралап түсіндіру, қажет болған жағдайда қауіпсіз жерлерге эвакуациялау бойынша түсіндіру жұмыстары жүргізілді.

Қазіргі уақытта жағдай тұрақты күрделі және бақылауда тұр.