«Мені кім алады деп уайымдадым»: Танымал әзілкеш Мереке Қалбаева артық салмақтан қалай арылғанын айтып берді

SMARTNEWS.KZ басылымының хабарлауынша, әзілкеш осыдан 9 жыл бұрын салмағы 90 келіге жеткенін айтты. 

“Салмағым – 90 келі. Бетім толған – безеу. Мамамның ең үлкен уайымы – менің тұрмысқа шығуым еді. Шынымды айтсам, өзім де күйеуге тиіп, бақытты әйел болып жүргенімді елестете алмадым. Ол кезде маған жетпегені – қолдау еді. Ешқашан жақсы пікір естімейтін шығармын деп ойладым. Арықтауым – анамның өтініші. Өйткені ол кісі айтып қоймады. Содан артық салмақтан арыламын деп шештім. Дәрілерден бастап, неше түрлісін іштім. Бірақ семіздікпен 8 жыл алыссам да, 4 келі ғана тастадым. Бастаған ісімді жарты жолдан тастап кеттім”, – деп бастады әңгімесін әзілкеш. 

Сондай-ақ, жайдарманшы ару ешқандай дәрі көмектеспегесін, өзбетінше арықтаймын деп шешім қабылдаған. 

“2015 жылы нақты салмақ тастауға ниет еттім. 90 келімен жүру мүмкін болмай кетті. Өзім ойлап тапқан әдіс-тәсілге көштім. Өзіме деген бағам өсіп, салмақ тастай бастадым. Сол жылы жігітіммен таныстым. Бірақ жігіт таптым, күйеуге шығамын демей, арықтауды жалғастыра бердім. Нәтижесінде, 15 келі тастадым. Бұрындары дәрі ішіп, спорт пен диета деп жүрсем де, 1-2 аптадан кейін салмақ қосып алатынмын. Өзім ойлап тапқан әдістен кейін салмақ қоспадым. Жүкті кезде де, қатты толық болмадым. Ең бастысы дұрыс тамақтану мен жігер керек”, – деп жазды жайдарманшы.