RUS
SMARTNEWS.KZ басылымының хабарлауынша, желіде үйінің суға кеткенін көріп, жылаған әйелдің видеосы тарады.
Құлсарылық әйел "Менің үйімді су алып жатыр! Әкем салған үй" деп дауыстайды.
Атыраудағы Жем өзенінің арнасынан тасып шығуының салдарынан үйлер суға кетті.
Еске салайық, бұған дейін Атырау облысының әкімі Серік Шәпкенов аймақтағы жағдайдың өте күрделі екенін мәлімдеген. Құлсарының бірнеше ауданын су басты. Қазірдің өзінде 2500-ден астам үйді су басқан. 15 мыңға жуық құлсарылық тұрғын эвакуацияланды.
Мемлекет басшысы Қасым-Жомарт Тоқаев Атырау облысының әкімі Серік Шәпкеновпен телефон арқылы сөйлесіп, су тасқынынан зардап шеккендердің материалдық шығыны өтелетінін мәлімдеді. Сәлден соң жағдайға байланысты Тоқаев қазақстандықтарға үндеу жолдады.