RUS
Мобильді топтар ата-аналары азғындық өмір салтын ұстанатын, алкогольды көп ішетін, сондай-ақ кәмелетке толмаған балаларын тәрбиелеу, оқыту және күтіп-бағу міндеттерін орындамайтын отбасыларды тұрақты негізде аралайды.
Мысалы, Ақтөбе қаласының прокуратурасы 5-14 жас аралығында кәмелетке толмаған балдардың анасы алкогольді шамадан көп ішіп, өз балаларын қараусыз қалдырғанын анықтады.
Қалалық қадағалау органының талабы бойынша оны әкімшілік жаупкершілікке тарту үшін оған қатысты медициналық куәландыру жүргізілді.
Қазіргі таңда барлық балалар «Аяла» орталығына орналасқан, оларға педагогикалық, әлеуметтік және психологиялық көмек көрсетілді.
Аталған дерек бойынша балалардың анасын ата-ана құқығынан айыруға материалдар жинақталуда.
Осы бағыттағы комиссия жұмысы жалғасады, ол облыс прокуратурасының тұрақты бақылауында.