Алматыда төрт ай бұрын жоғалып кеткен ер адамның мәйіті табылды

Бұл туралы Lider.kz еріктілер ұйымы хабарлады.

Еріктілер ұймының мәліметінше, 1990 жылы туған Ршимов Айян Едігеұлы 2023 жылдың 13 желтоқсан күні жоғалып кеткен. Ол кешке қарай үйінен шығып, сол күйі қайтып оралмаған.

Волотерлер ер адамның қайтыс болғанын мәлімдеді. Оның мәйіті 10 сәуір күні табылған.

Алматы қалалық полиция департаменті ақпаратты растады.

«Өз-өзіне қол салу дерегі бойынша тергеу жүріп жатыр. Оқиғаның себебі мен мән-жайы анықталып жатыр», - деп хабарлады ведомстводан.