RUS
Атырау облыстық полиция департаменті баспасөз қызметінің мәліметінше, ер адамның жоғалғаны туралы 102 арнасына хабарлама келген.
«Жылыой ауданы полиция бөліміне 49 жастағы ер адамның Қарағай ауылынан Құлсары қаласына қайықпен шығып, бір күннен бері хабар-ошарсыз кеткені туралы ақпарат түсті. Полиция қызметкерлері жедел іздестіру іс-шарасын жүргізуге әуе дронын пайдаланды. Бүгін, 11 сәуір күні сағат 11:00 шамасында Қарағай елді мекенінен 10 шақырым қашықтықта су тасқынынан пайда болған аралдан 49 жастағы ер адам табылды. Қазір оның жағдайы бірқалыпты, туысқандарымен қауышты», - деп хабарлады департаменттің баспасөз қызметі.
Еске сала кетелік, бұдан бұрын Құлсарыда қараусыз қалған үйлерді 110 полицей мен 60 сарбаз қадағалап жүргенін жазған едік.