RUS
SMARTNEWS.KZ басылымының хабарлауынша, Салтанат Нүкенованың әпкесі Самал Нүкенова сіңлісін өлтірді деп күдікке ілінген Қуандық Бишімбаевтың інісі Бақытжан Байжановтың сотта берген жауабына күмән келтірді. Бұл туралы Stan.kz ақпарат агенттігі жазды.
"Біздің отбасы Байжановты кешірмейді. Эмоционалды янышты сөздердің артынан шындықты көрмедік! Оның спектакльді қалай керемет ойнағанын барлығы байқады деп үміттенемін (жанжал, қарғыс туралы айтқаны және т.б.). Бірақ осы шоудың артында ол (Бишімбаев - авт.) нұсқасын толық қолдайды. Азаптауды растайды, ол үшін (Бишімбаевқа – авт) ең көбі 2 жыл беріледі. Бірақ асқан қатыгездікпенн кісі өлтірілгенін растамайды, ал бұл ұзақ жыл бойы немесе өмір бойы түрмеге тоғытуы мүмкін аса ауыр қылмыс!”, – деді Самал Нүкенова.
Оның сөзінше, Байжанов көлікті неге паркингке апарғандарын, неге денені көрпемен орағандарын ашып айтқан жоқ.
“Оларға скотч неге қажет болғанын, заттай дәлелдемелер қайда екенін айтпады. Мүсәтір спирті қайда кетті? Егер олар ояту үшін бір бөтелке пайдаланса және ол оянбаса, бұл жайт біртүрлі көрінбеді ме? Аяқкиім мен штативте иістер мен іздер жоқ (бірақ біз нашатырь иістер мен іздерді жақсы кетіретінін білеміз). Гастроцентр ауданын қоршап алған мемлекеттік күзет қызметі қызметкерлері оларға қалай кедергі келтіргені туралы да айтқан жоқ!" - деп жазды Самал Нүкенова.
Бұған дейін Салтанат Нүкенованың ағасы Қайрат Нүкенов Бишімбаевтың інісі Бақытжан Байжанов шындықты айтса, кешіретіні туралы ақпарат таралған.
Еске сала кетейік, Бақытжан Байжанов қылмысты жасырды және хабарламады деген айыппен жауапқа тартылып жатыр.