RUS
«Азаматтық қорғау қызметтері, волонтерлер және тартылған ұйымдар Атырау, Ақтөбе, Батыс Қазақстан және Солтүстік Қазақстан облыстарында су тасқынымен күресті және халыққа көмектесу жұмыстарын жалғастырып жатыр. Батыс Қазақстан облысындағы Орал қаласында Жайық өзенінің су деңгейіне мониторинг жасалып отыр. Қазір үйлерді су басудың жаңа оқиғалары тіркелген жоқ. Саяжайда қалып қойған тұрғындардың бар-жоғын тексеру үшін аумақты аралау жұмыстары іске асырылып жатыр», - деді А. Шәріп Орталық коммуникациялар қызметіндегі брифингіде.
Оның айтуынша, дәл қазір еліміз бойынша 25 324 адам өз үйлеріне оралды. 8 783 адам, оның ішінде 3 832 бала эвакуациялау пункттерінде орналасқан.
«4 708 тұрғын үй мен 2 774 аула аумағынан судың бағыты бұрылып, құрғатылды. Жедел желі телефонына 2 173 рет қоңырау шалынды. Авариялық-құтқару және су тасқынына қарсы жұмыстарға 32 мыңнан астам адам, 5 мыңға жуық техника, 806 су сору құралы, 310 жүзу құралы, 13 әуе көлігі жұмылдырылды», - деді ведомство өкілі.