RUS
SMARTNEWS.KZ басылымының хабарлауынша, іс материалдарына сәйкес, ер адам кәмелетке толмаған жәбірленушінің дәрменсіз жағдайын пайдаланып, жыныстық сипаттағы зорлық-зомбылық әрекеттерін жасаған. Бұл туралы Aikyn.kz жазды.
"Сотта азамат Г... кінәсін мойындамады, бірақ оның әрекеті қылмыстық іс материалдары, сот-медициналық сараптамасының қорытындылары, жәбірленушінің, оның өкілдері мен куәгерлер берген айғақтармен дәлелденді", - деді сот.
Осылайша қылмыстық істер жөніндегі мамандандырылған ауданаралық сот оны кінәлі деп танып, өмір бойына бас бостандығынан айыру жазасына кесті. Ал Қазақстан Республикасы Қылмыстық кодексінің 50-бабы 2-бөлігі негізінде педагогикалық және кәмелетке толмағандармен жұмыс істеуге байланысты лауазымдарды атқаруға өмір бойына тыйым салынды.
"Апелляциялық сот үкімді өзгеріссіз қалдырды. Сотталушы жазасын төтенше жағдайдағы қылмыстық-атқару жүйесінің мекемесінде өтейтін болады", - деп толықтырды соттың баспасөз қызметі.
Еске сала кетсек, бұған дейін "Әйелдер құқығы мен балалардың қауіпсіздігі туралы" заң жобасы аясында бала зорлаған педофилдер еліміздегі ең ауыр жаза бойынша өмір бойына бас бостандығынан айырылатыны жөнінде жазған едік.