«Ішімдік ішіп келетін»: Алматыда мәйіттерді зорлады деп айыпталған күзетші туралы тың мәліметтер айтылды

15.05.2024, 18:57
502
«Ішімдік ішіп келетін»: Алматыда мәйіттерді зорлады деп айыпталған күзетші туралы тың мәліметтер айтылды canva.com

Алматы мәйітханасында болған жантүршігерлік іске қатысты жаңа мәліметтер пайда болды.

Некрофилияға күдікті қызметкердің ресми түрде жұмысқа тұрмағаны белгілі болды. Мұны 2022-2023 жылдар аралығында мәйітхананы күзетшілермен қамтамасыз еткен «Ayat Security» компаниясының директоры Әли Сәдірмеков айтты. Бұл туралы tengrinews.kz хабарлады.

Алматыда некрофилияға күдікті азаматтың ұсталғаны осы жылдың сәуір айының соңында белгілі болды. Бірнеше күннен кейін Әділет министрлігі жағдайға түсініктеме беріп, күдіктінің сот-сараптама орталығымен және оның аумақтық бөлімшелерімен еңбек қатынасы жоқ екенін мәлімдеді. Ведомство өкілі мәйітханада күзетшінің 2022 және 2023 жылдары тендерді жеңіп алған жеке компанияда жұмыс істегенін айтты.

Енді қауіпсіздік агенттігінің директоры Әли Сәдірмеков мән-жайға тоқталып, күдікті туралы айтты.

«Штатта күндізгі ауысымда жұмыс істейтін ресми күзетші бар еді, оның жұмыс күні күн сайын таңғы сағат 7-ден кешкі 7-ге дейін созылды, ол бір күні түнгі ауысымға адам табылғанын және оған қолма-қол ақшамен ақы беру керегін айтты.

Ол кешкі сағат 7-ден таңғы 7-ге дейін жұмыс істеді. Біз ол кісіден оғаш нәрселерді байқамадық. Оның ішімдік ішетіні белгілі болды, бірақ нашар адам сияқты көрінбеді.

Жасы 40-тар шамасында, арық денелі кісі, бұрын санитар болғанын айтты. Бұл рас па, жоқ па, білмейміз. Түнде күзет кабинасында отырып, қажет болса қақпаны ашатын адам керек еді. Ол туралы басқа мәліметтерді білмедік», – дейді Сәдірмеков.

Компания директорының айтуынша, оларға мәйітхана ғимаратының ішіне кіруге болмайды. Агенттіктің күзетшілері тек қақпаларды ашып-жабу үшін қажет болды. Бір күні ол күдіктінің фельдшер формасын киіп алғанын байқаған.

«Мен одан «Санитар болып жұмысқа кірдің ба?» деп сұрадым, ол іште көмек сұрады деді. Ол үшін ақы төлеген шығар деп ойладым, ешкім тегін ештеңе жасамайды ғой. Сосын «ол жаққа кіруге болмайды, күзет кабинасына отыр деді ма, отырыңыз» дедім», – дейді компания басшысы.

Күдіктінің неліктен ресми жұмысқа орналаспағанын директор айтпады. Айтуынша, түнгі ауысымда мәйітханада жұмыс істегісі келетін адамдарды табу мүмкін емес. Мұндай жұмыстың жалақысы – айына 60 мың теңге, көбі бұған келіспейді.

Күзетшілердің күдікті туралы бір ғана білгені – оның мәйітханадан алыс емес жерде жалғыз тұратыны. Оның әйелі де, балалары да, ата-анасы да жоқ екен. Алайда әріптестері бұл ақпарат қаншалықты рас-өтірік екенін нақты білмейді.

«Мен оның өмірбаянын оқымадым, одан қағаз талап етпедім, ол жерде түнде есік ашатын ешкім болмағандықтан, таңға дейін болады деп келістік. Сосын жұмысқа жиі мас болып келгендіктен, оны шығарып жіберді. Бірақ ішуді қоямын деп уәде беріп, кейде өзін жақсы, оғаш қылығы жоқ адам сияқты ұстайтын. Жұмыстан кеткеннен кейін оны көрмедік», – дейді Әли Сәдірмеков.

Агенттік директоры құқық қорғау органдары мен сот-медициналық сарапшыларға дәлелдеме бергенін айтты. Бұл оқиғаның мән-жайы тергеу барысында анықталып жатыр.

Су тасыған кезде гастрольді Димаштан бұрын біз бастадық - Роза Әлқожа Мешіт соққанша, мектеп соқ деп айтсаңыз, Алла алдында жауап бересіз - Қабылбек Әліпбайұлы "Мыналар тістері": алматылық келіншек күйеубаласының қалай ұрып-соққанын айтты Қызылорда облысында құрдасын өлтірді деген күдікпен 2 жасөспірім ұсталды Cемейде ер адам сүйіктісін көлікпен таптап өлтірді «Бір ауыз «қош демей» кеттің»: Меруерт Түсіпбаева 18 жыл бұрынғы қайғылы оқиғаны есіне алды «Балалардан ұят болды-ау»: Өмірқұл Айниязов қуанышты жаңалығын бөлісті "Ақылды адамдар тойға бармайды": Омар Жәлелдің пайымы көпшілікті тағы шулатып жатыр Астанадағы ерекше орын қауіпті болғаны үшін жабылды Павлодарда балаларын үйде қамап ұстаған маскүнем ата-ана анықталды Америкада қара нәсілді әйел келесі президент болуы мүмкін Мемлекеттік тілді білмегендерге Қазақстан азаматтығы берілмейді – ІІМ Қытай Ресейдің күніне жарап тұр Сәбиді терезеден лақтырып өлтірген ересек адам қамалмады Ақтөбелік студент жұмбақ жағдайда көз жұмды "Ұлы композитордың әндеріне мардымсыз ақша төленеді": Шәмші Қалдаяқовтың келіні Шымкентте үшем дүниеге келді «Күйеуі бір апта іздеу жарияламаған»: Оралда 3 баланың анасы табылмай жатыр Түркістанда дәрігерлер 7 жасар баланың бауырынан бір уыс құрт алып шықты Бес жылға сотталған вайнер Мейіржан Төребаев үйіне келді