RUS
SMARTNEWS.KZ басылымының хабарлауынша, Баталов экс-тергеушінің әйелі, анасы және ағасы қарыздарың бар деген сылтаумен кофехана құлпын бұзып, мекемеге кіріп, қызметкерлерді қуып, кәсіпті күштеп тартып алғанын айтты.
"Полицияға шағымдандым. Тергеудің жүріп жатқанына 6 ай болды. Қазір бизнеске келтірілген шығынды анықтау үшін сот-экономикалық сараптама тағайындалды. Алайда Бостандық ауданының прокуратурасы істі тергеуге кедергі жасап, оны тоқтатуға тырысып жатыр", – дейді кәсіпкер.
Сондай-ақ Рамазан Баталов қазір отыз адамның жұмыссыз қалғанын жеткізді.
"Біз адал кәсіпкерміз. Заң аясында жұмыс істеп, барлық салықты төлеп, бизнесті кеңейтуді жоспарлап отырмыз. Қазір үлкен шығынға ұшырадық. 30-ға жуық адам жұмыссыз қалды. Ал бұл заңсыздыққа кінәлілердің құқық қорғау органдарында танысы бар және жазаланбайтынына сенімді. Құрметті Берік Ноғайұлы, сізден заңның үстемдігі мен құқықтарының қорғалуының кепілі ретінде осы мәселеге назар аударуыңызды сұраймын! Бұрынғы шенеуніктер қашанға дейін жазасыз жүреді. Көмектеріңізге үміт артамыз!", – деді Баталов.