RUS
Бұл туралы бүгін Ақордада мәдениет және өнер қызметкерлерін кәсіби мерекелерімен құттықтаған Мемлекет басшысы Қасым-Жомарт Тоқаев айтты.
«Былтыр менің Жарлығыммен еліміздегі іргелі мәдениет ордаларына ұлттық және академиялық мәртебе берілді. Бұл шешім өнер ұжымдарының шығармашылық өрісін кеңейтіп, олардың кәсіби тұрғыда шыңдала түсуіне жол ашатыны сөзсіз. Осы бағыттағы жұмыс биыл да жалғасады. Еліміздегі ең басты үш музейге, яғни үш мұражайға ұлттық мәртебе беріледі», — деді Қасым-Жомарт Тоқаев.
Осы орайда Президент қазіргі заман талабына сай музей қоғам санасын жаңғыртуға зор ықпал ететін озық институтқа айналуы керектігін баса айтты.
«Сол арқылы жас ұрпақ төл тарихымыз бен салтымызды терең танып, одан тағылым алуы қажет», — деді Мемлекет басшысы.