«Менімен бірге жеңіске жеткен де, қуанған да – халқым»: бүгін Илья Ильиннің туған күні

Аиса Махамбет Редактор
24.05.2024, 20:25
851
«Менімен бірге жеңіске жеткен де, қуанған да – халқым»: бүгін Илья Ильиннің туған күні ашық дереккөзден

24 мамырда еліміздің ең табысты ауыр атлеттерінің бірі Илья Ильин 36 жасқа толып отыр.

SMARTNEWS.KZ басылымының хабарлауынша, спортшы екі мәрте Олимпиада ойындарында жеңіске жетіп, төрт рет әлем чемпионы атанды. Илья Ильиннің Бейжің мен Лондонда атой салған сәті мен жалынды жеңістері әлі күнге дейін халық жадында.

Ол 13 жасында ел чемпионатындағы ең жас ауыр атлет ретінде жасындай жарқылдаса, ал 23 жасында ол Олимпиада мен әлемдік додаларда рекордтар легін орната бастады. Алайда 2016 жылы спортшының жарқын да жалынды мансабы кілт үзілді. Илья Ильиннің спорттық мансабына кірбің салып, беделін түсірген Ресей мен Қазақстан спортшыларының допингтік жанжалы еді. 2016 жылдың қарашасында Халықаралық Олимпиада комитеті тәртіптік комиссиясының шешімімен допинг сынамаларын қосымша зерттеу нәтижесінде спортшы 2008 жылы Бейжіңде және 2012 жылы Лондонда өткен жазғы Олимпиада ойындарында алған алтын медальдарын қайта тапсыруға мәжбүр болды.

Бұл туралы Илья Ильиннің өзі де пікір білдіріп, Instagram желісіндегі ресми парақшасында ешқандай допинг қолданбағанын айтады.

"Мен өзімді кінәлі деп санамаймын, өйткені менде дәйекті дәлелдер жетерлік. Сонымен қатар баспасөз мәслихаттарының бірінде мен егер мемлекет тарапынан түскен қаражатты қайтаруды сұраса, мен толықтай қайтарамын дедім. Бұл үшін еш өкінбеймін, өйткені мені әрқашан халқым қолдады. Менімен бірге жеңіске жеткен де, қуанған да – халық!", - деді Илья.

Сонымен қатар Илья Ильин бұл кезеңнің өзі үшін қандай қиын болғанын да тілге тиек етеді.

Бұл уақытқа дейінгі жүріп өткен жолымда қандай құрбандыққа барғанымды біреу білсе, біреу білмес. Мен спорттық мансабымда жастық шағым мен денсаулығымды құрбан еттім, бірақ қазір оны қайтара алмаймын. Алайда, дәл осы жолды қайтадан өтуге маған мұрша берсе, мен еш ойланбастан келісер едім", - деді спортшы.

Осы бір ұзақ үзілістен кейін 2018 жылдың 10 маусымында Илья Ильиннің дисквалификациясының мерзімі аяқталып, отандасымыз ауыр атлетикаға қайта оралған болатын. Спортты қайта жалғастыруға шешім қабылдаған ол Токио Олимпиадасына баруды жоспарлап, тіпті Азия чемпионатында үздік бестіктің қатарына енді. Алайда ұзақ жылғы үзіліс те әсер етіп, денсаулығы да сыр беріп, 2020 жылдың мамыр айында спорт мансабын аяқтауға бел байлайды.

"Мен не үшін өкінемін? Бұл менің өмірім, әр қадамымды өзім қалағандай жасадым. Мен бәрін өзіме ыңғайлы етіп жасадым. Ал орта жолда кездескен кедергілер – менің өмірдегі үлкен сабақтарымның бірі болды", - деп жауап берді Илья Ильин.

Спорт мансабын аяқтағаннан кейін Қызылордадағы "Мұз айдыны" спорт кешенінің директоры болып тағайындалды, өзінің киім брендін шығарды. 2022 жылдың күзінде спортшы өзінің онлайн академиясын ашты. 2023 жылдың желтоқсанында спортшы тізесіне ота жасатады. Қазіргі таңда ауыр атлет спорттық шараларға үнемі қонақ ретінде қатысып тұрады. Ал 2023 жылы Илья өзі менеджер болып қызмет етіп жүрген Қазақстан ауыр атлетика федерациясын басқаруға дайын екенін мәлімдеді.

«Енді Rolls-Royce алып береді»: Динара Сәтжан жаңа күйеуінің өзін қалай еркелететінін айтып берді Шымкентте бір топ еркек құлағы естімейтін қызды тапшанда зорлап, соны видеоға түсірген «Сүйеу болар әкең жоқ»: Меруерт Түсіпбаева IELTS-тан жоғары балл жинаған Мақпал Жүнісованың қызын үлгі етті Тұрсын Алагөзов өз қызметкерлеріне қымбат көліктер сыйлады (ВИДЕО) «Ақталғым келмейді»: актер өз әйелін ұрғанын мойындап, оның ата-анасынан кешірім сұрады (ВИДЕО) Декретке миллионмен шыққан 113 әйел сотталмақ Үкімет зейнеткерлердің несиесі кешірілсін деген талапқа жауап қайтарды Ақтөбеде ер адам трансформаторлар ұрлаған «4 машина, 4 пәтер, ғимарат»: Перизат Қайрат миллиардты қайда жұмсағаны туралы тізім жасалды «Анасы адвокат болғасын қорықтым»: танымал әнші Say Mo бұрынғы актер күйеуінен зорлық көргенін жайып салды «Құдайдан қыз болып оянуымды тіледім»: Атышулы Амилай балалық шағынан сыр шертті Журналист Сәуле Әбілдаханқызының қандастар «елді сатып кетеді» деген жазбасын полиция тексеріп жатыр «Екі жыл бұрын ажырасып кетті»: Динара Сәтжан жолдасымен некесін қиды Ақтөбеде марқұмның туыстары ағасын рұқсатсыз жерлеген екі ведомстводан өтемақы талап етті Әйелін бірнеше жыл сабаған дипломат Сәкен Мамаш Астанада тұтқындалды «Мектепте «мини юбка» киген қыздар жүкті болып жатыр»: Атышулы блогер мектепте орамалды рұқсат етпейтін заңға ренжіді Танымал актер әйеліне лифтіде шабуыл жасағаны үшін түсірілім алаңынан қуылды (ВИДЕО) Спортшы Сұлтан Заурбекке Шымкент қаласының әкімі демеушілік жасай ма? Қуандық Бишімбаевтың әкесі Таразда Bishimbayev University оқу орнын ашпақ Ақтауда өтіп бара жатқандар қызды зорламақ болған ер адамды тұрғындар ұстап алды