RUS
SMARTNEWS.KZ басылымының хабарлауынша, бүгін Триатлон саябағында Maqsut Narikbayev University мен Астана қалалық Триатлон федерациясы бірлесіп ұйымдастырған RUN FOR YELDAR - MNU MARATHON 2024 қайырымдылық марафоны өтті.
Жыл сайын «Endowment MNU» КҚ студенттерді қолдау және бүкіл MNU қоғамдастығының әлеуметтік жауапкершілігін нығайту мақсатында қайырымдылық жүгіру марафонын өткізеді. Марафонға студенттер, түлектер, MNU қызметкерлері және еліміздің барлық ниет білдірген азаматтары қатысып жатыр.
Жыл сайын өтетін марафонның биылғы мақсаты Maqsut Narikbayev University 3 курс студенті Елдар Қармысұлының емделуіне қаржылай көмек көрсету. Елдарға сүйек кемігін трансплантациялауды қажет ететін пароксизмальды түнгі гемоглобинурия диагнозы қойылды. Сол себепті жиналған қаражат оның Түркиядағы емін ұйымдастыруға септігін тигізіп, сауығып кетуіне мүмкіндік береді.
«Өткен жылы біз Астана қалалық Триатлон федерациясымен бірлесіп студентіміз Сабинаны емдеу үшін қайырымдылық марафонынұйымдастырдық, көрсетілген қолдаудың арқасында оның жағдайы жақсарып келеді. Биылғы жылы біз студентіміз Елдар үшін осы қайырымдылық марафонын ұйымдастырудамыз. Іс-шарада жиналған барлық қаражат студенттің емдеуіне жұмсалатын болады. Осы орайда, қолдау көрсетіп, тіркелген барлық қатысушылар мен демеушілерге алғысымды білдіремін», - деп атап өтті Maqsut Narikbayev UniversityБасқарма Төрағасы Талғат Нәрікбаев.
Астана қаласы Триатлон федерациясының вице-президенті және MNU Alumni Sport Club Президенті Төлепберген Сүйінтаев MNU-да өткен баспасөз конференциясында биылғы жылы марафон Астана қаласының әкімдігі мен спорт басқармасынан айтарлықтай қолдау алғанын атап өтті:
«Марафонға шамамен 500 адам қатысады деп күтілуде, бірақ қажет болған жағдайда біз олардың санын көбейтуге дайынбыз. Біздің мақсатымыз – қалалық ауқымда қайырымдылық марафонын өткізу. Жиналған барлық қаражат MNU студенті Елдарға жіберілетін болады, сондықтан біз баршаңызды осы игі іске қосылуға шақырамыз», - деді ол.
Айта кету керек, RUN FOR YELDAR MNU MARATHON 2024 көмектесуге дайын қаланың түкпір-түкпірінен келген азаматтарды біріктірді. Марафон бірлік пен қолдаудың символына айналып, университеттің кез келген қиындықты бірге жеңе алатынын көрсетті.