RUS
Бұл туралы smartnews.kz сайты хабарлап отыр.
Су ресурстары және ирригация министрлігі мен Нидерланд Корольдігінің Сыртқы істер министрлігі екіжақты меморандумдарға қол қойды.
Құжаттарға қол қою рәсіміне су ресурстары және ирригация министрі Нұржан Нұржігітов, бірінші вице-министр Болат Бекнияз және Нидерланд мемлекетінің Қазақстандағы төтенше және өкілетті Елшісі Николаас Схермерс қатысты.
Алғашқы құжат - Су ресурстары және ирригация министрлігі мен Нидерланд Сыртқы істер министрлігі арасындағы өзара түсіністік туралы меморандум. Құжат су шаруашылығы құрылыстарын салу және пайдалану, су тасқынын болжау және су тасқынына қарсы іс-шараларды жоспарлау мәселелерінде ынтымақтастықты нығайтуға арналған.
Дельфт су білімі институтымен (IHE Delft) қол қойылған екінші меморандумда су саласының мамандарын даярлау, су саласында ғылым мен инновациялық технологиялар саласындағы өзара іс-қимыл қарастырылған.
Су ресурстары және ирригация министрі Нұржан Нұржігітов Нидерланд мемлекетімен қарым-қатынасымыздың маңызды кезеңінде ынтымақтастығымыздың ауқымды және перспективалы жобаларды іске асыруға көмектесетініне, ал тәжірибе мен технология алмасу отандық су саласының әлеуетін ашуға мүмкіндік беретініне сенімді екенін айтты.