Оралда жол апатынан скутер жүргізушісі қаза тапты
Орал қаласында жол-көлік оқиғасынан скутер жүргізушісі көз жұмды.
БҚО полиция департаментінің баспасөз қызметінен мәлім еткеніндей, оқиға 29 мамыр күні шамамен сағат 21.10-да Зачаган кентіндегі Қ.Жұмалиев пен С. Жақыпов көшелерінің қиылысында болды.
«Скутер «Ауди» автокөлігімен түйіскен. Салдарынан скутер жүргізушісі оқиға орнында көз жұмды. Аталған дерек бойынша қылмыстық іс қозғалып, тергеу амалдары жүргізілуде», - деп хабарлады ведомстводан.