RUS
SMARTNEWS.KZ басылымының хабарлауынша, Түркияның сыртқы істер министрі Хакан Фидан Солтүстік Атлантика альянсының Украинадағы соғысқа қатысуына қарсы шықты. Бұл туралы Ulysmedia.kz жазды.
Соғысқа қатысты мұндай көзқарасты Хакан Фидан Прагада НАТО сыртқы істер министрлерінің кездесуінен кейін мәлімдеді. Оның айтуынша, Түркия Украинаға қару беруді қолдайды, бірақ НАТО-ның соғысқа "қатысуын" қаламайды.
– Түркия Украинаға көмек көрсетуді және Украинаның Ресейді тежеу қабілетін қолдайды, бірақ біз НАТО-ның бұл соғысқа қатысқанын қаламаймыз.
Біз осы екі нәрсенің арасында мүше елдердің де, НАТО-ның да тепе-теңдігі сақталуы керек деп санаймыз, - деп қосты Фидан.
Түркия СІМ басшысы басқа жағдайда қақтығыс аймаққа таралып, одан да жаман дағдарыстар туғызуы мүмкін екеніне сенімді.
Еске сала кетейік, бұған дейін Венгрия премьер-министрі Kosshut радиостанциясына берген сұхбатында Еуропалық Одақ пен НАТО Ресеймен соғысқа дайындық сатысында екенін айтқан болатын.