RUS
SMARTNEWS.KZ басылымының хабарлауынша, күрес түрлерінен Будапештте (Мажарстан) өтіп жатқан рейтингтік турнирде еркін күрес шеберлері Әлішер Ерғали, Ризабек Айтмұхан және Юсуп Батырмұрзаев жүлде иеленді. Бұл туралы KAZ.NUR.KZ жазды.
Әлішер Ерғали 97 кг салмақ дәрежесіндегі бәсекенің финалында әзірбайжан Магомеджан Магомедовпен белдесуі керек болған. Бірақ қарсыласы боз кілемге шықпағандықтан, жеңіс Әлішерге берілді.
Ризабек Айтмұхан (97 кг) қола жүлде үшін белдесуде словак Батырбек Цакуловтан 4:2 есебімен басым түсті. Ризабек жартылай финалда Магомеджан Магомедовтен 15:7 есебімен жеңіліп қалған болатын.
Ал 125 кг салмақта бақ сынаған Юсуп Батырмұрзаев ақтық сында американ Мэйсон Пэрриске есе жіберіп, күміс жүлдені місе тұтты. Юсуп финалға шығар сында Рио және Токио Олимпиадасының жүлдегері, үш дүркін әлем чемпионы Гено Петрошвилиді ұтқан.