«42 градусқа дейінгі ыстық»: Синоптиктер алдағы күндерге ел аймақтарына арналған ауа райы болжамын жасады

SMARTNEWS.KZ басылымының хабарлауынша, синоптиктер көптеген облыстарда температура 27-35 градусқа дейін, ал оңтүстікте 35-42 градусқа дейін көтерілетінін болжаған.

Ұлытау облысында  – күндіз 35-38 градус қатты ыстық болжанған. Облыстың батысында, оңтүстігінде, орталығында өрт қаупі сақталады.

Қарағанды облысында – найзағай болжанған, облыстың оңтүстігінде өрт қаупі жоғары.

Ақмола облысында – қатты жаңбыр жауын жауады деп болжануда. Облыстың батысында, солтүстігінде, оңтүстігінде найзағай, бұршақ, дауыл күтіледі.

Түркістан облысында – күндіз 40 градус қатты ыстық болады деп күтілуде.

Павлодар облысында – қатты жаңбыр, бұршақ жауады деп күтілуде. Солтүстігінде, батыста, оңтүстікте найзағай, тұман болады. 

Шығыс Қазақстан облысында – найзағай, бұршақ, дауыл күтілуде.

Абай облысында – найзағай болжанған. Күндіз облыстың оңтүстігінде 35 градус қатты ыстық болады деп болжануда. Облыстың оңтүстігінде өрт қаупі жоғары.

Қызылорда облысында – 40-43 градус қатты ыстық болады деп болжануда. Облыстың батысында, солтүстігінде өрт қаупі жоғары. Оңтүстігінде, солтүстік-шығысында, облыстың орталығында төтенше өрт қаупі сақталады.

Жамбыл облысында – найзағай болады деп болжануда. 

Ақтөбе облысында – облыстың батысында жоғары өрт қаупі сақталады, оңтүстігінде төтенше өрт қаупі сақталады.

Батыс Қазақстан облысында –  облыстың оңтүстік-шығысында, оңтүстігінде өрт қаупі жоғары, облыстың батысында төтенше өрт қаупі сақталады.

Маңғыстау облысында – облыс бойынша өрт қаупі жоғары, облыстың солтүстігінде, шығысында, орталығында төтенше өрт қаупі сақталып, тұман болжануда.

Қостанай облысында – қатты жаңбыр жауады деп күтілуде. Түнде батыста, облыстың солтүстігінде найзағай, күндіз облыстың солтүстігінде, батысында, шығысында найзағай, бұршақ жауады.

Атырау облысында – облыс бойынша 35 градус қатты ыстық күтіледі.

Астанада – жаңбыр мен найзағай болжанған.