RUS
ШҚО Төтенше жағдайлар департаменті баспасөз қызметінің мәліметіне сүйенсек, екі қала тұрғыны суға батқан қызға көмек көрсетіп, ерлік жасаған.
Ыстық күнде салқындап алғысы келген 18 жастағы бойжеткен жаяу жүргіншілер жолағынан Үлбі өзенінің жағасына қарай төменге түскен. Кенет тепе-теңдікті ұстай алмай, суға құлап кеткен. Көмек сұраған дауысты жақын жерде тұрған Дәурен Тоқтағанов пен Жаңасбек Пермабек естіп қалған.
«Олар еш абдырамай, тез көлікке отырып, өзеннің қарама-қарсы жағалауына жетіп алды. Содан соң төменге қарай түсіп, суда ағаш бұтақтарынан ұстап тұрған қызды көреді. Жаңасбек өзенге кіріп, қызды судан тартып алып шығып, Дәуреннің қолына берді», - делінген ақпаратта.