RUS
SMARTNEWS.KZ басылымының хабарлауынша, Алматы облысының Іле ауданында орналасқан «Көктерек» ғарыштық байланыс орталығы «Республикалық ғарыштық байланыс орталығы» АҚ (РҒБО) тиесілі «Kazsat» сериялы ғарыш аппараттарын басқарудың екі жерүсті кешенінің бірі.
«Көктерек» ҒБО 2013 жылғы 28 маусымда пайдалануға берілді, ауданы 25 га алып жатыр және қызметкерлердің 31 штаттық бірлігі бар.
Министр кешеннің негізгі қызмет бөлігінде – KazSat-2 және KazSat-3 екі байланыс және хабар тарату спутнигін басқарумен, сондай–ақ кәсіпорын қызметінің ілеспе түрлері – жабдықтарды орналастыру және ғарыш аппараттарына сигналдарды көтеру - жерге қону -деректерді өңдеу орталығы (ДӨО) бөлімімен танысқан.
«РҒБО» АҚ Басқарма төрағасы Мәлік Жүйріктаев кәсіпорынның ағымдағы жағдайы, шешілетін міндеттері мен даму перспективалары туралы баяндады.
- Қазіргі уақытта KazSat-2 және KazSat-3 байланыс және хабар таратудың екі аппараты бар, олар штаттық режимде жұмыс істейді және екі кешеннен – «Ақкөл» ҒБО және «Көктерек» ҒБО басқарылады. 2026 жылға қарай «Kazsat-2» спутнигінің белсенді қызмет ету мерзімінің аяқталуын ескере отырып, кәсіпорын байланыс желілерін 2029 жылға дейін жұмыс істеуге есептелген «KazSat-3» спутнигіне «жіксіз» ауыстыруды дайындау бойынша жұмыстар жүргізуде,-деп атап өтті Мәлік Жүйріктаев.
«KazSat-3» спутнигін алмастыру аясында министр әріптестеріне ел үшін ең жақсы шешімді таңдау мақсатында әлемдік ғарыш аппараттарын өндірушілердің ұсыныстарын жедел түрде алуды және талдауды тапсырды.
Кәсіпорынның ілеспе қызмет түрлеріне қатысты М. Жүйріктаев бұрын OneWeb компаниясы үшін жер учаскесінің бір бөлігін беру туралы шарт жасалғанын хабарлады. Бүгінгі таңда «Көктерек» ҒБО аумағында OneWeb шлюз станциясының құрылысы аяқталуға жақын.
Сонымен қатар, ағымдағы жылдың наурыз айында «РҒБО» мамандарының күшімен осы станцияға қызмет көрсетуге шарт жасалды, бұл кәсіпорын үшін қосымша табыс әкеледі, деп атап өтті «РҒБО» басшысы.
Министр «РҒБО» АҚ-ға осы бағыттағы жұмысты жалғастыруды, жаңа клиенттерді тарту үшін ілеспе қызметтерді кеңейту нұсқаларын қарауды тапсырды.