“О дүниеге аттанады” деп айтқан”: Жүрсін Ерман 12 күн бойы комада жатқанын айтты

Ол бұл жайында "Айтыс" youtube-арнасына берген сұхбатында бөлісті.

"Дәрігерлер ұлыма “әкеңіз 1-2 күннен қалмай о дүниеге аттанады, дайындала беріңдер" деп айтқан. Сосын рұқсат қағазымен үйге алып кетті. Бірақ дәрігерлердің айтқаны болмады. Қайтадан адам қатарына қосылдым ғой", - дейді ол.

Жүрсін Ерман айтыс деп жүріп, қалай денсаулығының сыр бергенін байқамай қалған. 

"Халықтың қолдауы кісіге күш, дем береді екен. 70-80-дей ақын бірінен соң бірі мені үйге іздеп келді. Сәлем айтып, көңіл сұрап кетті. Айтысты тірілтем деп арпалыстым ғой. Айтысты тірілтем деп жүріп өзім өлуге айналыппын",-дейді ақын.