RUS
«21 маусымда Астанада Шанхай ынтымақтастық ұйымына мүше мемлекеттерінің Энергетика министрлерінің кездесуі өтеді. Энергетика ведомстволарының басшылары Қазақстанның бастамасымен әзірленген ШЫҰ-ға мүше мемлекеттердің ынтымақтастығын дамытудың 2030 жылға дейінгі кезеңге арналған стратегиясын қарастырып бекітеді», - деді министрліктің ресми өкілі.
Оның айтуынша, кездесу аясында делегация басшылары энергетикалық ынтымақтастықты ШЫҰ форматында дамытудың стратегиялық тәсілдерін талқылайды.
Сондай-ақ, Айбек Смадияров 20 маусымда ШЫҰ-ға мүше мемлекеттердің ғылым және техника ведомстволары басшыларының, Көлік министрлерінің онлайн бейнеконференция форматындағы кездесулері өткізілетінін айтты. Бұл екі іс-шара да Қазақстан бастамасымен ұйымдастырылмақ.