RUS
Павлодар облысы полиция департаментінің кинологиялық қызмет орталығы қылмысқа қарсы күресте қызметтік-іздестіру иттерін сауатты және барынша тиімді пайдаланып отыр. Қызметтік иттер қоғамдық тәртіптің сақталуына қатысып, қылмыскерлерді ұстау, қару-жарақ пен есірткі қоймаларын іздеу іс-шараларына жұмылдырылады.
«Қазіргі уақытта орталықта 28 иісшіл ит қызмет атқарады. Әр иттің өз міндеті бар. Ақылды жануарлар іздестіру жұмыстарынан бөлек, есірткі, жарылғыш заттарды іздеуге маманданған, полицейлермен бірге облыс орталығының көшелерін патрульдейді. Күн сайын полицияға түрлі шақырулар келіп түседі. Көбі ұрлық, тонау, адамдардың жоғалуына қатысты. Біздің қызметкерлер дереу оқиға орнына барып, иісшіл иттермен қылмыскерді жедел табуға тырысады. Олар да адам сияқты бәрін сезеді, өзінің қызметтік міндетін толықтай орындағанша кәдімгідей уайымға салынады», - дейді кинологиялық қызмет орталығының бастығы Нияз Валиев.
Мамандардың айтуынша, егер адам иттерді шынымен ұнатпаса, олармен толық жұмыс істей алмайды. Жануарларды командаларды орындауға үйрете алғанымен арасында байланыс болмайды. Ал кинолог пен ит – бір команда. Олар бір-бірін түсініп, сезінуі керек.