RUS
SMARTNEWS.KZ басылымының хабарлауынша, брифинг барысында Ғылым және жоғары білім министрі Саясат Нұрбектен 10-15 жыл бойы өз лауазымдарын атқарып келе жатқан жоғары оқу орындарының ректорларының мәселесі сұралды. Министрдің айтуынша, бұл бағыттағы ережелерге өзгерістер енгізілген.
– Осы жылдың сәуір айынан бастап ректор лауазымына үміткерлер екі мерзімнен артық жұмыс істей алмайды. Біз заңнамаға тиісті өзгерістер енгіздік. Бір мерзім – үш жыл, екі мерзім – алты жыл. Бір университетте екі мерзімнен артық қалуға болмайды, - деді Саясат Нұрбек.
Сондай-ақ, министр ректор лауазымына үміткерлерге қойылатын талаптар айтарлықтай күшейтілгенін айтты. Мысалы, академиялық саладағы жұмыс тәжірибесіне қойылатын талаптар – кемінде 10 жыл, оның ішінде басшы академиялық лауазымдарда 5 жылға артқан.
– Сондай-ақ, үміткерлер бұрын әлеуметтік желілер мен бұқаралық ақпарат құралдарындағы мораль мен бедел тұрғысынан жағымсыз жағдайлармен байланысты болмауы керек, - деді ол.
Айта кетейік, бұған дейін министр Саясат Нұрбек шетелдік жоғары оқу орындарының Қазақстандағы филиалдары жайлы егжей-тегжейлі айтып берген болатын.