Астанаға Ресей президенті Путин келді
Ресей Федерациясының президенті Владимир Путинді әуежайда Қазақстан Республикасының Премьер-Министрі Олжас Бектенов қарсы алды.
Ресей президенті Владимир Путин бүгін таңмен Астанаға Шанхай Ынтымақтастық Ұйымының (ШЫҰ) саммитіне қатысу үшін келді, – деп хабарлайды Аikyn.kz Қазақстан Үкіметінің баспасөз қызметіне сілтеме жасай отырып.
Ресей басшысымен Республика Премьер-Министрі Олжас Бектенов әуежайда кездесті.
5 жыл ішінде Қазақстанның ШЫҰ елдерімен тауар айналымы 56,5%-ға өсіп, $66 млрд долларға жетті. Ал 2024 жылғы қаңтар-сәуірде ұйым ішіндегі өзара сауда көлемі – $19,1 млрд доллар. Атап айтар болса, осы кезеңде Қазақстан мен Ресей арасындағы тауар айналымы $7,4 млрд-қа жетті.