RUS
SMARTNEWS.KZ басылымының хабарлауынша, Мәдениет және ақпарат министрлігі Kazinform сауалына жолдаған жауабында бюджет есебінен қаламақы алған ақын-жазушылардың санын атады.
«Бұрындары еш жерде жарияланбаған қоғамдық маңызы бар әдебиет бойынша 2017-2023 жылдары 419 әдебиеттің авторлық құқығы сатып алынып, яғни авторларға қаламақысы төленіп, басып шығарылды да, өңірлердегі кітапханаларға таратылды. Авторлық қаламақы 1 авторлық парақ үшін (40 мың белгіге) 6 ең төменгі жалақы мөлшеріне теңестірілген», — деп жазылған жауапта.
Ал былтыр 53 қаламгер мемлекеттен қаламақы алған.
«2023 жылы мемлекеттік тапсырыспен қоғамдық маңызы бар әдебиетті сатып алу бағыты бойынша 53 қаламгердің шығармасына авторлық қаламақы төленді. Авторлық қаламақы 1 авторлық параққа 6 ең төменгі жалақы, яғни 2023 жылы 420 мың теңге мөлшерінде болғанын атап өтеміз», — делінген министрлік мәліметінде.