«Атауын қайтарғаны дұрыс болды»: Астанаға қыдырып келген қазақстандықтар бас қала туралы пікірін айтты

SMARTNEWS.KZ басылымының хабарлауынша, Астана қонақтары қала атауының қайтарылғанына қуанатынын айтты.

Жыл сайын елордаға осы күнді тойлауға еліміздің түкпір-түкпірінен қонақтар ағылады. 

KAZ.NUR.KZ Астана көшелерінде жүрген қала тұрғындары мен қонақтарынан бұл мерекені қалай атап өтетінін сұрап білді. Астана күнін елордада тойлау үшін республиканың түкпір-түкпірінен келгендер көп. 

Астана күнін тойлауға ат арытып келген қазақстандықтардың бірі – Мейрамгүл Қыдыралиева.

 "Астана күнін тойлауға Түркістан облысы Сарыағаш ауданынан келіп қалдық. Астананың барлық жері ұнайды. Бәйтерекке былтыр шықтым, Ханшатырға да келдім. Астананың әсем жерлерін аралап бола алмай жатырмын. Мен Кеңес одағы кезінде туғанмын. Біздің кезімізде Целиноград болды, одан Астана болды, одан Нұр-Сұлтан. Осы атауын қайтарғандары жақсы болды. Астана – бар қазақтың астанасы. Қазақстандықтар Астананы жақсы көреді деп ойлаймын", - дейді ол.