«Назарбаевқа поэма жазғандар, енді оны сынап жүр»: Дулат Исабеков ақындарға ренішін айтты (ВИДЕО)
Орыстар Сталинге өлең шығармады, біздің ақындардан кім өлең арнағанын білемін дейді жазушы.
SMARTNEWS.KZ басылымының хабарлауынша, Дулат Исабеков ҚР экс-президенті Нұрсұлтан Назарбаевты биліктен кеткен соң сынағандарға реніші барын айтты. Бұл туралы Aikyn.kz жазды.
Kultobe Podcast YouTube арнасында белгілі жазушы, драматург Дулат Исабеков сұхбат берді. Ол экс-президентті даттағандарды сынады.
"Мен ол кісі туралы бір пікірдемін. Өтті, кетті. Сол кезде поэма жазған адамдар енді соны сынай бастады. Демек, адамның екіжүзділігі деген – осы. Мен сол кезде мақтап, ешқандай пікір айтқан емеспін", – деді Дулат Исабеков.
Жазушы Назарбаевты мақтап өлең жазғандарды да сынға алды.
"Көзі тірі кезінде поэма жазып, кейін жалт етіп бұлай шыға келу – адамның қасиетсіздігі, екіжүзділігі. Әсіресе, ақындарға ренішім бар. Биліктегі тоталитаризмнің көбін ақындар жасаған екен. Қазір Сталиннің кезіндегі өлеңдердің көбі есіме түседі, жатқа білемін. Ал орыс ақындарының біреуі Сталин туралы өлең жазған жоқ. Тек қазақтар ғана жазды", – деді ол.
Материал авторы
