Заңға өзгеріс: елімізде ұлттық парктерге кіру ақысы алынып тасталды

SMARTNEWS.KZ басылымының хабарлауынша, Мемлекет басшысы «Қазақстан Республикасының кейбір заңнамалық актілеріне ерекше қорғалатын табиғи аумақтар және электр энергетикасы мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды.

Өзгеріс туралы Ақорданың баспасөз қызметі мәлімдеді. 

Заңның толық мәтіні енді жарияланады. 

Еске сала кетсек, бұған дейін 2024 жылдың 1 қаңтарынан бастап Қазақстанда ерекше қорғалатын табиғи аумақтарды пайдаланғаны үшін төлемнің жаңа мөлшерлемесі енгізілген болатын.

2024 жылға арналған алым мөлшерлемелері мыналарға негізделген еді:

- жаяу жүргіншіден – 0,1 АЕК (369 теңге);

- мотоцикл, мопед, квадроцикл үшін – 0,2 АЕК (738 теңге);

- жеңіл автокөлікке – 0,3 АЕК (1 108 теңге);

- сыйымдылығы 16 орынға дейінгі шағын автобустар мен жүк көліктері үшін – 1 АЕК (3 692 теңге);

- 32 орынға дейінгі автобустар үшін – 2 АЕК (7 384 теңге);

- 32-ден астам орындық автобустар үшін – 3 АЕК (11 076 теңге).

Елді мекендерде тұрақты тұратын және (немесе) ерекше қорғалатын табиғи аумақтардың шекарасында орналасқан саяжайлары бар жеке тұлғалар ерекше қорғалатын табиғи аумақтарға бару ақысын төлеуден босатылатын.