RUS
SMARTNEWS.KZ басылымының хабарлауынша, бүгін Ресей зымырандарының атқылауының кесірінен Киевте 15 адам қаза тауып, 37 адам зардап шеккен.
Зымыран шабуылынан Киевтегі «Охматдет» балалар ауруханасының бір бөлігі бұзылған. Ауруханада зардап шеккендер бар, олардың нешеуі бала екені әлі белгісіз. Зымыран сынықтары Киевтің бірнеше ауданына, қала ортасына түсіп, бірнеше ғимаратта өрт шыққан.
Желіде жарияланған фото, видеолардан балалар ауруханасының қатты қирағаны көрінеді. Науқас балалар мен олардың ата-аналары сыртта отырғаны байқалады. Үйінділер астында адамдар болуы мүмкін.
Киев тарабы Ресей ракеталарды Каспий теңізінен жібергенін айтады. Бүкіл Украйын аумағында дабыл қағылды. Ел ішінде ракетаға қарсы жүйелер іске қосылған. Ел президенті Владимир Зеленскийдің хабарлауынша, Ресей 40-тан аса ракета атқан.
Ал Ресей қорғаныс министрлігі әскери мекемелері мен авиациялық базаларына шабуыл жасамағанын, азаматтық нысандарды зымыранмен атқыламағанын айтады. Мәскеу Киевке зымырандар Украйынның зымыранға қарсы құрылғыларынан түсті деп отыр.