RUS
SMARTNEWS.KZ басылымының хабарлауынша, осы аптаға жоспарланған НАТО жиынында Ресей мен Солтүстік Кореяның әскери бірлестігі күшейген тұста Оңтүстік Корея мен Жапонияның қауіпсіздік байланыстарын нығайту туралы талқылау өтетін айтты сарапшылар.
9-10 шілде күндері НАТО құрамындағы 32 елдің басшылары Уашиңтонда жиналып, Украйынға үздіксіз әскери көмек көрсету жолдарын талқыламақ.
Саммитке Аустралия, Жапония, Жаңа Зеландия мен Оңтүстік Корея шақырылған. АҚШ, Жапония мен Оңтүстік Корея саммит кулуарында жүздеспек.
Сарапшылар Жапония мен Оңтүстік Корея НАТО саммитінде талқылайды деп күтетін мәселелердің бірі — Ресей мен Солтүстік Корея арасындағы әскери ынтымақтастықтың артуы боп тұр.
Өткен айда Ресей басшысы Владимир Путин мен Солтүстік Корея көшбасшысы Ким Чен Ын Пхеньянда өзара қорғаныс туралы келісімге қол қойғаннан кейін, кейбіреулер КХДР Ресей басып алған Донецк жеріне соғыс кезінде қираған аймақты қалпына келтіру үшін армия инженерлерін жібереді деп болжады.
Пентагонның баспасөз хатшысы генерал-майор Патрик Райдер 25 маусымда өткен баспасөз мәслихатында АҚШ әскерлердің жіберілуін қадағалап отырғанын айтқан еді. Бірақ Солтүстік Кореяға «Украинаға қарсы заңсыз соғыста зеңбірек еті болатынын» айтып, әскери күш жібермеуді ескертті.
Уашиңтон мен Сеулдің есебінше, Пхеньян Ресейге 10 000 астам оқ-дәрілер жібергенге ұқсайды. Ал Мәскеу мен Пхеньян қару алмастығын жоққа шығарып отыр.
«НАТО мүшелері Ресей мен Солтүстік Корея жақындасуының салдары, тәуекелі мен мүмкіндіктері тұрғысынан қалай оңды жауап беру керегін талқылайды. Қытай, Ресей және Солтүстік Корея арасындағы қайта жанданған бірлестік Еуропа мен Азия арасындағы қауіпсіздік байланысын жеделдетті.
Нәтижесінде мен НАТО-ның Шығыс Азияға, әсіресе әлемдегі ең үлкен жасырын әскери күш болып табылатын Жапониямен қарым-қатынасы жақсырақ болғанын күтемін», – дейді Токиодағы ұлттық саяси зерттеулер институтының профессоры Мэттью Бруммер.