RUS
SMARTNEWS.KZ басылымының хабарлауынша, Думан Мұхамедкәрімді құттықтап бір топ адам түрмеге барған. Олар оның терезесіне келіп, туған күнімен құттықтады.
Туған күнмен құттықтау бейнежазбасын Абзал Достияр өзінің Facebook парақшасында жариялады.
Еске сала кетейік, «экстремизмді қаржыландырды» және «тыйым салынған ұйымның ісіне араласты» деген күдікпен Думан Мұхамедкәрім былтыр маусымда қамауға алынған болатын.
Бұған себеп болып отырған «Қазақстанның демократиялық таңдауы» (ҚДТ) қозғалысының жетекшісі, оппозиционер Мұхтар Әбіләзовтан алған сұхбаты болды. Қазақстан ҚДТ қозғалысын «экстремистік ұйым» деп танып, оның жұмысына тыйым салған еді.
Ал Қазақстандық құқық қорғаушылар Мұхаммедкәрімді «саяси тұтқындар» тізіміне қосып отыр.