RUS
SMARTNEWS.KZ басылымының хабарлауынша, әнші Салтанат Бақаева басы дауға қалған Қайрат Нұртастың жағдайына қатысты пікір білдірді. Өнер иесі бұл тұрғыда желіде жолдасына қолдау білдірмей, үнсіздік сақтап отырған Жұлдыз Әбдікәрімова туралы ойын айтты.
Салтанат Бақаева Жұлдыз Әбдікәрімова жолдасына желіде елдің көзінше қолдау білдіруге міндетті емес екенін жеткізді.
"Менің ойымша бұл жеке адамның өз мәселесі. Сондықтан ондай нәрсеге көңіл аудармау керек. Өйткені әр адам өзі біледі. Айтады ма, айтпайды ма өз еркі. Міндетті емес қой. Бәлкім өзі жеке айтатын шығар. Ол айтып та жатқан шығар. Бұл түсінікті жағдай ғой. Неге барлығын желіде бәрін жариялап, көрсетіп шығару керек?! Әркім парақшасын қалай жүргізетінін өзі біледі", - деді әнші Анна Данченкоға берген сұқбатында.